Bom Día!
I werd wieder amoi mein Blog a weng öfta nutzen zwecks Reiseberichten.
Dann muass i die söbe Gschicht net 20xMoi vazön. Work smart, not hard!
Oiso, angfanga hob i ganz entspannt in Río de Janeiro. I find's echt a lebenswerte Stadt. De Leit san super lässig (zumindest de, de i troffn hob), feinste Strände, Hiken und Wandern geht a, Essen herrlich und des Chopp (klans Bier) kost net ganz 2€ => wos wü ma mehr
In de gefährlichen Gegend muss ma ois Tourist jo net hi, aussa ma hot Todessehnsüchte...
Wo's erna natürlich den Vogi aussa haut is beim Carneval. Irre, irre, irre wos do abgeht. Noch 5 Tog Dauerfeiern knickt da sogar da stärkste Innviertler ei (hob i ma sogn lossn).
Wer des net amoi alebt hot, hot gewaltig wos vasamt.
Noch 2 Wochen Río bin i dann weida noch Florianópolis. La Ilha da Magia!
I bin zum Surfen kemma und woit noch ana Wochen eigentlich scho wieder weida. Oba es is einfoch so entspannt in Florianópolis, dass I nu a Woch dran ghängt hob. Hob meine Surf Skills massiv verbessert (i glaub's söba kaum, Nazaré - is Next) und bin a a weng Hiken gwen. Echt wunderschöne Natur hier!
Next and final stop is dann Morro de São Paulo. Einfach amoi chün, nix duan, 5e grod sei lossn und ENDLICH entspannen 😉
Anbei a paar Eindrücke.
Sgt. Pepper Bloco in Río
Klans Steakal
Beach
