Ahoi, Ahoi,

wos tuat si so in letzter Zeit.....hm, neues Trimester hat angefangen. Heit hob i mein letztes Exam ghobt!! - Yes.
Und, mir ham unser Consulting Projekt obgschlossn. 6 Monat dran gorbeitet, gratis - e kloa.
Allerdings, dürft ma do an guadn Job gmocht hom, weil de Firma hat uns für die finale Präsentation noch Shanghai einglodn, Hotel und Flug (mit Singapore Airlines) gezahlt. A net schlecht.

Und Shanghai, is echt a coole Stodt - riesig und durt geht di Post ab. Glücklicherweise is ane von unserer Gruppn von durtn, d.h. sie hot uns zu de Einheimischen Sochn brocht - sehr cool. Wir hobn sogar Chinesische Knedl söba gmocht, bessa gehts net.
Ausserdem hom ma uns a "oide" Stadt außerhalb von Shanghai angschaut, mit Kanäle und klane Brückal etc. Durtn worn ma natirli di einzigen Westler und de Hauptattraktion - I bins e scho gwent, kaum gehst ausm Haus aussi, host de Papaparazzi vor da Nosn....

Anbei ein paar Eindrücke der Reise.

Ahoi, Ahoi!

nu wos, wir san net nur akademisch hoch leistungsfähig sondern auch sportlich.
Ganz im Sinne Juvenals oder hätt der wos Anders gmoant....?

Najo, gebetet ham ma auf olle Fälle. Leider hots uns nix brocht, wei ma 0:3 valorn ham - so a Schas.
Und nu dazua, hot de andere Mannschaft an Alterschnitt von 40+ ghobt. Allerdings, lauta 2m Riegln, Expats aus England und wia, de MBA Leit, ham zum ersten Moi mit der Aufstellung gspüt.

Lauta Ausredn.

Dafür is des Re-Match scho geplant! Do kinan si de andern worm anziagn.

Ahoi, Ahoi!

meine Führungsqualitätn muass I nu vabessan, dafür bin I a ethisch handelndes, strategisches Jenny!

Ahoi, Ahoi!

Long time, nix gschriebn. Zwischenzeitlich wor's oba a a weng stressig mit Abgaben - Sorry.
Jetzt ist des Trimester 2 vorbei und heit hot des letzte MBA Kapitel angfanga, de Zeit vergeht.

Zwischendrin wor ma nu gach auf an Abstecha in Japan. 1 Wochn Urlaub in Osaka und Kyoto und 1 Wochn "Hackeln/Studiern" in Tokyo.

Osaka: Party Stadt - mehr sog I net

Kyoto: unfassbar kulturreich, wunderschön und traditionell. Und weis "saukoit" wor (um de 0 Grad herum+Wind), kane bis wenig Touris. Oh Freude!

Tokio: 40Millionen Einwohner Stadt (Einzugsgebiete mitgerechnet) - Wawawiwa!! Für olle de in Mathe bewandert san - in ganz Österreich lebn ca. 8,8 Mio Leit.....sprich in Tokio ala lebn guade 4,5Mal sofü Leit wia bei uns im ganzn Land.
d.h. egal wo du hingehst, es san scho min. 4 andere duatn...

Dennoch, extrem lässige Stadt. Und da wia 3 Japaner mit hattn auf dem "Studier" Trip, hamas durtn dann a so richtig tuschn.....eeem, hom uns de 3 de traditionelle Japanische Kultur näher gebracht.
Ausserdem durftn wir am Tage Firmen wie, Panasonic, Nissan, IHI oder Takeda besuchen. Mit Präsentationen von Top Executives und interaktiven Diskussionen. Echt beeindruckend!
(do kriagst fost a schlechts Gwissn, wannst mim fadn Aug vom Vortag nu drin sitzt - hob I ma sogn lossn)

Saugeil, beide Wochen. Japan kann I nua am jeden/ana jeden empfön. Is echt a Reise wert.
Am meistn gfreit hot mi, dass I mei japanische Schwester - Natsumi - und ihr Familie wieder amoi troffn hob. Absolut vom Feinstn und oiwei a Gaudi.
Und vom Essen red I gor net, unfassbar guat.
Anbei ein paar Eindrücke:

Hello, Hello

kurzes Update. Los Wochos fürs Trimester 2 san endlich da! Woohoo. Haufn Abgaben, Presentationen und Papers zum Schreiben. Und ihr wissts jo, wia gern I net diese herrlichen Papers schreib.... (und im Gegnsotz zu de andern, moch I nebenbei net a nu a Praktikum. S'Leben is hort)

Anyways, bevor Los Wochos angfanga ham, san ma nu gach noch Bali düst. Is jo glei ums Eck.
Echt fein duatn. Nu dazua, worn ma a lockere Runde - dementsprechend hama recht a Gaudi ghobt.
I werd definitiv wieder hinfohrn, gach amoi übers Wochenend, und a weng hiken geh und (mehr) Kultur anschaun.

De nextn Tog nu a weng einibeissn und dann ab nach Japan! Yiihaaa bzw. Yooshiii wia ma in Japan sogt.
Gfrei mi scho.

Bis denne!

Ahoi, Ahoi!

Long time nix gschriebn. Es wor oba a Weihnochtn und Sivesta dazwischen und do hob i de mehran von eich e gseng.
Deswegen geht's jetzt amoi weida im neichn 2018ena Johr.
Und, glei wieder mit am sportlichen Mega Ereignis, den MBA Olympics.
Sehr kompetitiv des Ganze, Respekt vor de ambitionierten jungen Leit ;-)
Es worn oba a an Haufn, ingesamt 5 (glaub I) vaschieden Unis beteiligt.

I wor im Fuassboi engagiert und wia si des für an echten Österreichischen Nationalspieler khert, hob I natirli kläglich vasagt. E kloa, dieser Turnierdruck is einfoch nix für de zarten österreichischen Nerven.

Leider nix, sprich bereits in da Gruppenphase ausgeschieden. Allerdings, es zöt ja der olympische Gedanke!

A Gaudi wors trotzdem, und immerhin hom die Kollegn de an oder andere Medaille ham zat. Gratulation, nu amoi!

Bis demnächst! Eicha Mr. Olympic.