Ahoi, Ahoi!

Damits net oiwei glaubts, wir san entweder nur schwa am Studieren oder schwa am Feiern.....nanana, wir mochn a andere Sochn!
Z.B. Dragon Boat Racing.
By the way, organisiert von am Kollegen und mir, I bin jo jetzt Vorsitzender vom wakeboarding and other watersports club - und es wor klorerweise ans von de besten Events so far (i bin do ganz neutral...)
Wor a recht a Gaudi. Oba bist du gelemmt, sauhaas und net zum Unterschätzn. Nochm Race, den unser Boat übrigens gwungo hot - eh kloa, mit mir ois Maschien aka Mr. Aussnbootmotor an Board - hob I extreme Butterorm ghobt. Bist du narrisch!

Leider is des Video vom Race zu groß - miasst ma hoit einfoch glaubn, dass ma gwunga hom.

Hallo, Hallo

so schaut's aus, wann de ganze Parti vasammelt und anwesend in da Klass is.
A net schlecht.
 

Hello, Hello!

wos hot si de letzten 2 Wochen so do......
Hm, net fü.
Neues Trimester hot angfanga, am Anfang recht stressig - jetzt hot sa si scho eipendelt.
Unser Consulting Projekt kimt endlich voran - echt spannend.
Fuatganga sama - oamoi wieder a gressane Parti, wor a recht a Gaudi!
Thanksgiving Pre-Dinner hot's gebn - so richtig ungsund, oba guad.

Und! I hob heit endlich mein Laufweg zum Kanal gfundn - prestomagaherrlich. Zeit is worn, da Thanksgiving Turkey ghert wieda obbaut. Guade 8km, in ana Stund. Do is nu fü Luft noch oben, allerdings net vagessn, es hot a am Abend angenehme 26Grad und 80% Luftfeuchte....

Bis denne!

Ahoi,

kurz. Es hot si do auszoit, dass I a bissi wos glernt hob. Schas Finance, do wor I ni a Leichtn.
Najo, ob jetzt nur nu römische Ansa!

Bis boid!

Wahlnacht

Schlemmen in Singapur

Strand Phú Quốc

Strand Phú Quốc

Saigon bei Nacht

Ahoi, Ahoi!

Sodala, de letzten Wochen is Einiges passiert - Wahlen in Ö (habedere, was habt's eich beim Kreitzal machn docht?), Abspaltungsversuche in Katalonien, Trump Team Kontakte zu Russland, Anschlag in New York und last but not least Ried hat Lask aus dem Cup geworfen! (Wir sind die Nummer 1 in OÖ)

Auch bei mir hot si a bissl was getan, Trimester 1 vorbei, Friedi und Moritz ham mi in Singapur besucht und dann hama nu a Urlaubsreise nach Vietnam (-nach dem Prüfungstress) gmocht, do is dann a nu de Nicole dazua kema.

Vietnam wor, wia imma, vom Feinsten. Zerst a Wochn long den Strand genossen in Phú Quốc und dann nu a Wochn in Hồ Chí Minh City (formerly known as Saigon) verbracht - Herrlich!
Wahnsinn was sich in Saigon tuat, entwickelt si rasant de Stadt. Kann i nur an jedem empfehlen, durtn amoi vorbei zu schaun.

Morgen geht's wieder los, mit da Uni. Und laut dem "Stundenplan" zu urteilen, wird da November ka Gaudi - teilweise sogar Samstag und Sonntag ganztags Uni. Schasinger.
Najo, zumindest gibt's jetzt kane Exams mehr, sondern nur mehr Group Assignments, Präsentationen und Papers zum Schreiben - wawawiwa.

Ahoi, Ahoi!

Endlich geschafft, grod hob I nu des letzte Paper eigreicht, somit ist alles erledigt.
De Wochn worn nemli finale Exams für Kostenrechnung, Finanzierung und Technology/E-Business.

Wawawiwa!! Zach, aber geschafft.

Und weil wir das Motto - work hard, party hard zu 150% leben, gabs dann gestern a nu glei a massive Afterparty. Wia sa si khert, natirli im Fullerton Hotel (so ziemlich ans der besten/teierstn Hotels in Singapur) - Gott sei Dank hot des de Uni zoit!
Mia ham uns oba net lumpn lossn, siehe Beweisfoto A.

Nochdem wir durtn quasi wia de Heischreckn gewütet ham, ham a Kolleg und I den Anfang gmocht und san dann nu in a Barstrossn weitazogn. De is eigentlich eher gmiatlich, mit live Musi und kuschelnden Pärchen, etc. - Pfui deifi!
Do hama dann natirli a bissl unsan MBA Party style Esprit wirken lossn miassn. Wos dazu gführt hot, dass ma zerst nu zu zweit locker geshaked hobn, dann ham uns a poar Exchange Mädls gejoined, dann san owei mehr MBA (horte Kern) Kollegen dazuagstoßn und am End san komplett fremde Leit von andere Bars durtn zu uns dazuakema zum Shaken.
Unser MBA Party Vibe wor einfach zu stork zum widerstehen....
Siehe Beweisvideo A (before) und B (after started rocking):

Morgen gehts dann ab nach Vietnam, 2 Wochen Urlaub! Yes, yes, yes.

Ahoi,

Oktoberfest auf Chinesisch, a net schlecht.

A Gaudi wors, mehr sog I net :-)

Griass eich,

sorry, long time - nix gschriebn. De letzten Wochen wor I a weng eideckt mit de fu**ing Assignments und am Wochenend hob I's dafür dann tuschn lossn. Folglich, auch abseits der Uni im Stress (fuatgeh und recovery vom fuatgeh).

Oba! Es is nur nu 1 Assignment übrig, dann is der Schas amoi erledigt. Und in knappen 2 Wochen stehen dann die finalen Exams fürs erste Trimester an - oh Freude!

Dafür nutz I mei "freie" Zeit zum Sportln, I werd zum Viech. Geh min 1x de Wochn Schwimma, herrlich so a Pool vor da Haustür. Hob a scho a Bootcamp Gruppn gfundn, leider nu ka Zeit ghobt um bei am Training teil zu nehmen...

Najo, kann ma nix mochen. Ein weiteres Highlight wird dann da Urlaub in Vietnam werden, gfrei mi scho. Direkt noch de finalen Exams, vatschüss I mi und tua amoi a Wochn nix! Yes.

Ois dann, schönste Grüße aus dem heißen Singapur.

Hello, Hello

den Mid-term Accounting Test überlebt, yihaa. Mia ham die Finger relativ graukt nochm Test, bin 1 Minute vor Abgabeschluss fertig wordn. Bin scho gsponnt, wos des fia a Notn wird...

Anyway, wissen tua I wahscheinli nix mehr vom Stoff, weil quasi direkt nochm Test homma natirli a BBQ Feier gmocht. Wor mei Idee, e kloa.



Wor a lässige Feier, olle ham gnuag zum Essen und Tringa ghobt. Monche sogar a weng zfü zum Tringa, oba des passiert de Bestn von uns.

Am nextn Tog um 8am auf, ka Schas! Und in de Stodt zum College Football anschaun. Wor a super gmiatliche Parti (und des Frühstück wor bitta notwendig) und I bin jetzt a member of the Alumni USC group in Singapore. So schnö bist dabei.



Jetzt wieder fleißig am studieren, de nextn Papers, Assignments und Präsentationen werdn net von alla fertig. Glaubt's ma's I hob's probiert!

Hello, Hello!

Tioman war wia imma a Gaudi! De andern hom ernan Tauchschein gmocht und I hob dawei gschnorchelt. Hob an Hai und a riesige Schüdkrötn gseng beim Schnorchln.
Wobei nochdem da (Riesen-Monster) Hai gach unter mir vorbei zischt is, hob I ma docht - Eamm, hm....jetzt is Zeit zum Aussageh ausm Meer.

Am Abend ham ma dann grüllt und a bissl wos biastlt a. Is jo klor, durch de storke Sonneneinstrahlung und des ganze Soizwossa, valiert ma an Haufn Elektrolyte. De hom ma dann reichlich ausglichen am Abend.
Ham dazu eigens ein Spiel ins Leben gerufen und ma siagt, dass ein schmaler Grad besteht zwischen Freud und Leid! (speziell bei sogenannten "Trinkspielen")

Am letzten Tog hob i dann nur nu chillaxed (und sogor a weng glernt), während de andern wieda Tauchn ganga san.

Bei da Rückfahrt hob I ma dann a nu glei an feinen Sonnenbrand eingfangt - Zefix! Wor de ganze Zeit im Schottn, hot a nix ghoifn.

Najo, de nextn Tog bin I net fü draußen. Am Samstag is Mid-Term Accounting Test, daher ab jetzt: straban, straban, straban.

Ahoi, Ahoi!

Wieda amoi a Update von meina Seitn. Erste Noten san zruck (A- and B+), kann ma lossn.
Ausserdem de erste Präse khoin, voller Erfolg auf da gonzn Linie.

Ansunstn geht's relativ zackig dahin. De Hundianer gebn uns ganz sche Gas. Trotzdem bleibt nu a wengal Zeit zum Feiern, des liegt mia natirli besonders am Herzn.
Heit fohr ma noch Tioman, es is Feiertog und deswegn longs Wochenende, zum Schnorcheln und Tauchen. Gfrei mi scho recht!

I hoff nur, dass sie de 3 Tog net fü Lerna net rächn. Nächste Wochn is Accounting Mid-Term Exam, do muass I nu Einiges einistraban. Is net so mei Ding, de guade oide Buchhoitung.

Najo, wird scho wean. Wo ein Haben, da auch ein Soll!

Ahoi,

falls mich wer besuchen will und sich fragt, was er/sie mitbringen soll.
I sog nur, schauts eich im Speziellen die Preisunterschiede für Wein, Import und Local-Bier an.
I glaub de Zahlen sprechen für sich.

https://www.numbeo.com/cost-of-living/compare_cities.jsp?country1=Austria&country2=Singapore&city1=Vienna&city2=Singapore

Habe d'Ehre.

Hello,

erste storke Wochn vorbei, Haufn meetings hinter mir und a glei amoi 3 assignments fertig gmocht.
Dass ma des a glaubts, anbei ein Snapshot von a late nite session mit de Kollegen, zum spannenden Thema Buchhaltung....
De Session hot um 15:30 angfangt und um 24:00 aufghert, huiuiuiuiuiuiui.
Allerdings mir worn super produktiv, ham in am Tag den ganzen Schmafu zu 95% fertig gmocht und nu dazua sogar richtig (glauma zumindest, Noten hamma nu kane kriagt).

Und wei de Wochn a intensive wor, haben wir entschieden dass ma am Freitag, sprich gestern, a bissl de Sau aussa lossn. Wor a recht a Gaudi! Mit Karaoke und Beer Towers und woas da Teifi wos nu ois. Dementsprechend wor de "Party Truppn" heit a weng ongschlogn in da Klass. (Jo, auch am Samstag wird fleißig studiert).
I zoag eich nur des Anfangsbüdl, wei - whatever happens at beer buffet, stays at beer buffet.
By the way, first rule of beer buffet club, don't speak about beer buffet club. (funktioniert herrlich, jetzt woin oiwei mehr Leid in de Gruppn mitaufgnumma wern....)

Morgn geht's dann wieder noch Batam, wakeboardn. I gfrei mi scho.

Hello; Hello.

Batam Trip wor a Gaudi, hob Wakeboardn glernt! Bin zwor net weit kemma, guade 50m, oba immerhin. Net schlecht fürs erste Moi, sogn zumindest de Könner.

Wor oba a richtig, dass ma des gmocht ham, weil de erste echte Wochn is scho guad anganga. Relativ viel zu lesen und jetzt geht's a mit de Gruppenarbeiten, etc los. Is sicher schaffbar, oba hoit zeitaufwendig.

Dafür ham ma dann gestern gscheit gfeiert, mit ehemalige MBA Studenten und de vom letzten Jahrgang. Wor recht lässig und hot wieder amoi länger dauert.
San olle recht trinkfest, de Buam und a de Menscha. Gott sei Dank hob I mi do jahrelang auf des vorbereiten kina :-) (Net schlecht für mei Oita sogn de Jungen - ganz sche frech).

Bin scho gsponnt wias weitergeht....

Ahoi,

kurzes Update. De erste Wochn is überstanden, geht scho relativ fix los. I glaub oba, des wird si einpendeln oder a net. I bin jo net zur Gaudi do!

Zwischendurch bleibt oba a a weng Zeit um mit de Kollegas, de übrigens olle recht nett san, a bissl zu "socialisen". An dem Obend worn ma Chilli Crab essen und des beste dran, des is quasi glei bei mir ums Eck. Mocht oiso doch Sinn, näher zum Zentrum zu wohnen.
By the way, de Wohung bzw. der Condo Complex is riesig - genau so wie mei Zimmer.

Morgen geht's noch Indonesien (Batam), wakeboardn. Bin scho gsponnt, ob i des drauf hob und gfrei mi scho auf's "socialisen" nochm Sport. Des hob I ma dann redlich vadient !

Sodala, jetzt muass I oba nu a weng wos lerna. Es hüft jo ois nix. Tats eich net obe, i lern net zlang.

Bis denne.

ich liebe es:

• wieder in Singapur zu sein
• dass I bei da Immigration glei amoi 40min wortn hob derfn (gfrei mi scho, wann I endich mein Singapur Studentenpass hob, dann geh i bei de Lokals durch!)
• dass da Taxler (a echta Chines), glei amoi wüd auf de singapurianischen Wappla gschimpft hot;
  wei de kinan jo nur shoppen, hudln und sie mim Smartphone spün.
• dass des mit da Wohung reibungslos highaut hot.
• dass da Tennisplotz, da Basketboiplotz, da Squashplotz und da Pool schau amoi net schlecht ausschaun. (des Gym hob I nu net gfundn)
• dass da Condo Greissla Chandler hast (wor der net amoi be friends.....? do hot a ganz anders ausgschaut!)
• dass i in de oane Richtung zur nexten lokal Shoppingmeile, dem Kino, de Fresstempeln nur 5 Busstationen brauch.
  und in de andere Richtung zum gmiatlichen Fuatgeh Viertel sogor nur 4 Stationen.
• dass I glei amoi mit ana feschen Französin beim Shoppen ins Redn kema bin, ca va?
• dass de Shops und voroim de Schnellküchen bis spät offen hobn (und des Essen a Hit is, der nix kost)
• dass ma da Schwitz genau in da Oarschspoitn obirinnt und somit den natürlichen Kanal wählt.

Reaktiviert

Hello Leitl,

wie ihr wissts, verobschied I mi in de Sonne und Hitz von Singapur.
Aus diesem Grund, werden wieder de guadn altn Kommunikationstechnologien reaktiviert - Old School Style!
Daher wird aus Nostalgiegründen mei oida Blog eich am Laufenden hoitn, wos si bei mir so tuat. Es kints eich dann gmiatlich vorm Kamin, auf da Couch, in da Bodewann oder wo auch immer, an meinen literarischen Ergüssen erfreuen.

Bis denne!
Da Chef