MRT Pub Crawl 2.0

Einfoch genießen !!


http://picasaweb.google.de/Arno.Bajon

http://www.flickr.com/photos/69328975@N00/

Bukit Timah und Tree Top Walk

Ladies and Gentlemen !
Festhoin !
I hob Sport gmocht !!!

Gö wirklich, na des glaub I net, unvorstellbor, was is los ?? Is denn heit scho Weihnochtn. I hobs jo söba net glaubt. Nu dazua wor des an am Samstag in da Fruah uma Neini und I bin uma sogn ma spät/fruah hamkema. I sogs eich 1:30h schlofn is net fü.
Wie auch immer, auf olle Fälle ham ma dann zerst den Tree Top Walk gmocht. Zu fünft wordn ma, 2 Hasn und 3 Burschens. Do geht ma durch den Singapurianischen Tschungl und dann über a Hängebrückn über de Bamwipfln hinweg. Zimlich geil, oba extrem haas und des, wie gsogt in da Fruah. De de am Nochmittog gengan dann ma load, wascheinli werdn do Verluste von 2-4 Leit miteigrechnet. Werdn hoit dann auf da Streckn zrucklossn und ernam Schicksal ausgliefert. Des do wäre - Affenfutter. De san ganz sche gfernst de Viecha.
Probierts jo net erna den Cheesburger wegaznema ! Bualaaf, do hoassts renna.
Wei wia ma auf dem oban Büdl seng ko, derf ma erna nur net an Maiskoibn geben, ois andere is ok. Und des dans a de Singapurianer, herrlich !

Noch dem Tree Top Walk san ma kwer durch den Tschungl (der natirli meiste Zeit asphaltierte Wege hot, wir san immer nu in Singapur !) noch Bukit Timah ganga.

7km.

Des los I jetzt amoi so steh.

Bukit Timah is da grösste Berg, Hügel, Kuppn, Erdwall in Singapur. Do gengan de Einheimischn zum Trainiern hi. Rucksock mit Stana glodn um de Fiass gwicht umi und aufi aufn Berg.
Der Hügel ruft, sog I do nur. Oba gengans übrigens kervehrt !
Nochdem mir oiso in 10min den Gipfel erreicht ham, ham ma glei amoi Gipfelfotos gmocht. E kloa. (Do siagt ma a de Hechn, jeder cm zöt !) Danach nu gmiatlich a poar Rundn draht und dann fein Essn ganga in am Indischn Restaurant, des für seine Speisn ausgezeichnet wordn is.
So guat !!
Und am Obend wieder fuat. Pfuuuuuuuu. 12 Stundn Schlof san net fü für a Wochenende, oba es gibt e immer nu de Hockn. ;-)

Hackeln

Jo seas ! Is wieder amoi soweit. I schreib wos in mein Blog. Juhu !
Diesesmal is ernst, es geht umd Hockn - Teifi. I orbeit, ka Scherz, I orbeit wirkli und zwor bei Transfingo. Ana klanen, sehr klanen Singapurianischen (10 moi vaschriebn bei dem Wort) Firma. Wens interessiert - http://www.transfingo.com/
Taugt ma eigentlich recht, obwoi des mit Marketing eher wenig bis gor nix zum Tuan hot, leider. Wir, oiso I - wei de andern Hackln nix de fauln Hund de ;-) (wia ma übrigens am obern Büdl seng ko, olle dans chattn) - tua Claims and Rebates processn.
So sogt ma des heitzutog in da Businesswöd. Und zwor de Claims und Rebates von HP (Hewlett Packard, a net schlecht !)
Soi hassn I tua fü im Excel orbeitn, wos ma zimlich taugt, wei I sche longsom check wia des Programm rennt - Great Success !
Sunst is de hockn eher einfoch bis jetzt, hoffe des bleibt so.
Kollegas san locker drauf und von da ganzn Wöd, Thailand, China, Indonesien, Indien, Schottland, Singapur - e kloa, Malaysien, Korea usw. Soboid de Chefin ausm Zimmer is, wei de sitzt uns nemli genau gegenüber, geht de Post ob. Foigas !!
Kann jetzt mittlerweile scho auf Chinesisch und Indonesisch fluachn, wos mi in Chinatown und bei de Taxifohrer extrem firi haut !! Und jeden Tog lern I wos neichs - geilo !
Hoffe, des mit da Hockn wird weiter so bleibn und hoffe, de zoin mi !
Pfiat eng.

Japan

Ajo, hob I ganz vagessn zum Schreibn. Zwischen Hongkong/Macao und Bangkok/Kambodscha wor I in Tokyo/Japan. Wia de Zeit vageht.
Durtn hob I mei Schwester Natsumi besucht und wohna hob I bei ihre Leit derfn. Herrlich !
Hiermit nu amoi Danke Natsumi und Mr. & Mrs. Kawahata.
Tokyo is erstaunlich und absolut riesig. So riesig ! Und teier is a, foigas. Oba irgendwie cool, weist nur Leit in Anzüge usw. siagts. Genau mei Ding, ois WU-Student. Bin dann auch in den Genuß gekommen, de Öffis zu benutzen. Scheiss egal ob ka Plotz mehr in da U-bahn is, do wirst so lang einidruckt bis di nimma rian konnst. Wia de Sardinen in da Büchsn. Do wann wer an Schas lost, dann is de Kacke am dampfen (wörtlich !)
Wos mi am meisten fasziniert hot, des san de Klos. Alles automatisch, wann wer faul is, dann muass a si unbedint a so a WC zualegn. Des mocht ois.
Nochdem mir de Natsumi Tokyo zoagt hot, san ma dann aussi aufs Land gfohrn. Zum Fuji San (Mount Fuji). Gwohnt ham ma in am Hotel mit eigene Hot Springs. Herrlich, scho wieder !
Und des Essen erst ! So guat, Fisch in olle Ortn, Gemüse usw. und ois wunderbar hergerichtet, weil das Auge ist mit !!
Mei I sogs eich, des Essen ! So guat !!!!
Nach einem relaxing day in Hakone, zurück noch Tokyo und nu a weng shoppen. Am Abend dann Shabu-Shabu Essn, so a Art Fondu. Und scho wieder Herrlich !!
I hoff, I kim wieder amoi noch Japan, weil einmal ist keinmal !

Kambodscha

Kambodscha wor geil ! Hot ma/uns echt guat gfoin ! Glücklicherweis gibts do a a poar Tempel, mei de wan uns sunst oganga ! In Angkor, do worn mir, gibts über 1000 Tempel.
De berühmtesten san Angkor Wat - e scho wissn, Angkor Thom, Bayon, Ta Prohm... beeindruckend. Aufgrund des Krieges san de meisten leider verwildert und werdn jetzt erst langsam restauriert. Nu dazu kimt, dass vermutlicherweise nu mehr Tempel im Urwoid san. Gebts eich des, 1000 san net gnuag.
Oiso wer Kultur seng wü, soit do unbedingt hinfohrn. De Leit tuatn san wahnsinnig freindlich und extrem orm. Ham ma mit am Hotelangestellten long gredt und der hot uns vazöt, dass a 50Euro im Monat vadient !!!!!!!!!!!! Der is oba e scho guat dabei, weil a in am Hotel hackelt.
Do merkt ma dann erst wie guat mias eigentlich daham hom !
Daham is daham......
Nochdem ma uns oiso de Weltkulturerbe Tempel angschaut ham und a a bissal an Eindruck vom Leben in Kambodscha (durch Gespräche mit unserm Guide) aufgschnappt ham, san ma wieder zruck noch Bangkok.
De letzten Tog in Bangkok word dann chill und shopping gewidmet. Optimal !

Bangkok

Mei Mutschi und mei Schwester Silke ham mi besucht. Juhu ! Troffn ham ma uns in Bangkok, auf an klan Urlaub hoit. Büdln san übrigens auf meim Flickr account online. Hot uns olle recht guat gfoin obwoi de Thai lauter Pücha san oder Silke ?? Mia, ois guate oide Touristen, ham a bissal Lehrgöd zoit, soi hassn wir san beschissn wordn - am Anfang ! Cheap, cheap where are you goin, I know a good place.....
Oba noch a poar Tog ham as checkt wie der Hase läuft. Same, same but different hoit !
Angschaut ham ma uns olla Hand, Tempel, Paläste, Tempel, Night-Markets, Tempel, Weekend-Markets, Tempel, SeidenGeschäfte, Tempel und dann nuamoi Tempel.
Gibt ziemlich fü Tempel in Asien.
Komischerweise ob reich oder arm fürn Tempel ham de Thais oiwei a Göd. Is hoit aso. Und reich und arm gibts in Bangkok, unvorstellbar. Do leben de Superreichn (ohne Scheiss, de Hund san reich) neben de Superarmen (Wellblech/Holverhau Hütten !), Asien is anders.
Essen wor für de Mädels a wengi gewöhnungsbedürftig, weis hoit aso schorf is ! Und des brennt jo zwoi moi vor oim des Curry ! Wawawiwa !
Nu dazua kimt de Hitz und da Tschetleg, do kann ma scho amoi vagessn wie ma wos richtig anziagt.
Apropos anziagn, hob an Schneider organisiert, der maßgeschneiderte Anzüge, Kostüme, usw. mocht. Natirli um a Bagadö ! Der kimt übrigens a noch Wern !
Dann noch drei Tog in Bangkok hots uns greicht, san ma hoit gach noch Kambodscha düst - a net schlecht.

Macao

Macao, Macao. Obrigado....
I hob net gwusst, wo I wohna soit - echta Backpacker hoit - oiso eini ins Turistnoffice und gfrogt.
Wie kim I in de Stodt - mim Bus - Aha
Wo is billig wohna - in da Stodt - Aha
Najo, ganz so org woas a wieder net, oba Backpacken is anstrengend. Nu dazua kimt, dass in Macao so guat wie kana Englisch redt. Do bestö amoi 3 Bier und 2 Wurstsemmerl - Schas.
Anyway, irgendwie hob I's dann in de Stodt gschofft. Durtn hob I dann a nette Lady angredt, wo denn leicht de Stroßn mit de billigen Hostels is ? De hot mi dann glei zu dem gführt, des ma des Turistnoffice gsogt hot, echt net !!
Nebenbei hots nu erwähnt, dass des da Rotlichtbezirkt is. Aha ! Sie wor oba net tuatn angstödt.
Hob I oiso im Rotlichtbezirk gwohnt. Cheap, cheap, was du willen !
Erstaunlicherweise wor des Zimmer echt super, vielleicht arbeitsbedingt. Jednfois wor des Bett angenehm zum Liegn ;-)
Dann hob I glei Sightseeing gmocht. Macao = alte Portugiesische Kultur mixed mit Chinesischer Mentalität. Einzigartig, meiner Meinung noch.
Soi hassn, anaseits alte wunderschöne Gebäude, Kirchen usw mixed mit Chinesischn Slums und fü zfü Leit. Irgendwie interessant. Allerdings host de Sights schnö amoi gseng. Oiso is ma nix anders übrigbliebn, I bin gamblen ganga ! Des is a des wos de meistn Leit durtn dann. Macao hot inzwischen Las Vegas überhoit !!!
Hob I erna glei amoi zoagt wia ma Blackjack spüt, so ungefähr 45min. De restlichen 15min san dann zimlich schnö umigwesn. Nachdem I dann ka Göd mehr ghobt hob - so a Schas, de Kortnlady hot sicha gschummit - bin I nu wos Essn ganga.
Im Rotlichtbezirk natirli, wor oba echt geil. De ham echt ois ghobt, Lamm, Schwein, Kalb, Fisch, Krabben, Taubn - ois hoit. Lecker.
Do I broke wor, am nexten Tog wieder noch Singapur. Wor a geiler Trip, den I sicha net missn werd !!!

Hongkong

Lang, lang is her, dass I wos gschriebn hob. Najo, is hoit aso ! Immerhin hob I inzwischen Prüfungsstreß (?) ghobt und bin a weng umanonda greist und zwor noch Hongkong und Macao.
Wor echt Spitzinger. Da Herr Can, Kollege von da WU, hot mir de Stodt zagt und des Nochtlebn a nu glei - Juhu.
In diesem Sinne, herzlichen Dank nu amoi Can !
Hongkong, vom Feinsten. Irgendwie ganz anders ois Singapur und dann doch wieder gleich, Same Same, But Different hoit. Klana Insider.
De Stodt an sich (Hongkong Island) is eigentlich extrem kla, oba dafir hoit foigas gsopft mit Banken, ShoppingCenters usw. Beeindruckend. Am ersten Tog hob I ma glei amoi de Skyline in da Nacht anschaun kina. Am nexten Tog dann sogar mit Lichtershow, für de Turis hoit - oiso für mi.
Mit da Peak Tram bin I a gfohrn, de hot ungefohr a Neigung von 130 Grad - Bualaaf ! Oba dafir host dann an super Überblick über de ganze Stodt und ruhig is do oben a nu dazua.
Und natirli hob I ma den größten Buddha in da Wöd anschaun miassn. Cool.
Jo, dann nu a weng fuat - Ladies Night ;-) und dann ob noch Macao.

Tina und Romi

Tina und Romi worn do. Ham ma glei wos mitbrocht - Juhu. Des lob I ma, sollte a Musterbeispiel für die nexten Besucher sein !
Hot ma echt taugt, wos uns mia ois angschaut ham - unvorstellbar. Ganz Singapur, am Strand worn ma, Shoppen sans gonga und in Kuala Lumpur worn ma natirli a. Versteht sich !
Mädels es kennts jederzeit wiederkema. Büdl san online auf Flickr.

Der Beweis

Endlich hob I an Beweis, dass I wos tua auf da Uni - against all odds ! Wie man sieht hob I mi in Schale geworfen für de Abschlusspräse von "Product und Pricing". De so nebenbei, de beste Präse wor - e kloa ! I glaub a a bissal deswegen, wei unser Tutorin a weng an Stand auf mi hot und mit dem Outfit hob I si a weng beeindruckt/bezaubert. Glaub I jedenfois !
Oba wia ma siagt, nehmans de Leitl auf da NBS/NTU (muass ma net wiassn - is einfoch mei Uni) doch genau so ernst wia mia auf da WU, wanns um große Abschlusspräse geht. Taugt ma - ehrlich jetzt !
Jo des woit I nur amoi gsogt hom, damit do manche unglaubliche, irrwitzige, an den Haaren herbei gezogenen Gerüchte aus der Welt geschafft werden.
Pfiat eich.

Business as usual !

Halli, Halo, Halöle. Nur kurz an Bericht wos si zwischenzeitlich so tuat ! Eigentlich nix Großartiges, sche longsom gehts mit da Uni bergauf.

Soda - Mutschi, bitte den nechsten Absatz überspringa !! - DANKE.

FUUUUUUU bin I gor net gwont, des coole is oba, dass de Singapurianer foigas noch Noten strebern ! Hehehe, und wei I a Austauschstudent bin, gems mir owei de leichten Aufgaben wanns zum Projekteln wird. Juhu !!!
Des hot si bezoit gmocht, dass I am Anfang gsogt hob, I bin nur zum Feiern und Reisn do.

Mutschi, geht scho wieder.

De nechsten Reisn werdn Kuala Lumpur (KL) und Bangkok werdn. Dann im Mai China und Tokyo, Bangkokg again und Kambodscha. I sog nur geilo !
Fuatgeh is guat wia oiwei und schweinsteir wia oiwei. Oba do muass I durch. ;-)
An neichen WG-Kollegen/in griang ma a, wei da Australier 2 Stroßn weiterzogn is. I bin net schuid! Bin scho gsponnt wer einziagt. Und mit meim Buddy wor I a letztens unterwegs. Des is a cooler Hund und er kimt noch Europa im Sommer. Haojie sein Name. Do werd I eich Leitln anfunken, dass erm Wien usw. a weng zoagts, wei der hot sis vadient.
Jo des wors von meiner Seitn, Sauber bleibn !

Vietnam-Hanoi

Von Hue san ma per Flug nach Hanoi. Zimlich miad und fertig ham ma dann nu a Hotel suachan derfen uma 12:00 auf d'Nocht. Des wos mia bucht ham, wor nemli foi. So a Schas. Oiso hams uns von oam Hotel zum nexten gschickt. Do is dann da Schwedin da Fodn grissn, hob net gwusst, dass de Skandinavier so Gas gebn kinan. Letztendlich, dank der Schwedin, san ma in am Sternehotel unterkema, um des söbe Göd wia für des gebuchte Hostel - Hehe, Juhu !
Gschlofn ham ma net fü, wei am nechsten Tog ham boid, wirkli boid ! aufsteh miassn, damit ma zur Halong Bay keman.
Leider wor des Wetter a weng a Schas, sunst warats vielleicht nu besser gwesn ! Klane Rundfohrt in da Bucht, Besichtigung von am schwimmenden Fischhändler und zum Abschluss Rundgang durch de Höhlen. Beeindruckend mehr sog I net !
Zruck noch Hanoi und de restliche Zeit des Tages und des nechsten Tages größtenteils mit Shoppen verbracht. In Vietnam kann ma Mo. - So. shoppen. Seide, Anzüge, Kleidl, Schuach, Brilln, Schmuck, Backpacks (10€), was des Herz begehrt.
Klana Tipp nieeeeeeeeeeeeeeee !! den ersten Preis nema und min. um 30% obahandln, eigentlich 50% oba dann kimst da a bissal schuidig vor. Kost e scho nix und dann handelst as nu soweit oba. Handeln is trotzdem a Gaudi !
Jo und des wors dann mit Vietnam. Wor a geile Reise, würd I sofort wieder mochn !!!

Vietnam-Hue

Nachdem ma ca. 24 Stund durchs Land greist san, san ma dann in Hue, der oiden Hauptstodt ankema. Ham ma natirli sofort den oiden Palast besichtig. Net schlecht wia de oiden Kaiser früher glebt ham. Kann ma si sicha sei, dass dena an nix gföd hot und des Wort Monogamie hams a net kennt. ;-)
De Palastanlage is ungefähr so was wie de verbotene Stadt in China, net ganz so groß, oba immer nu zimlich beeindruckend.
Am nechsten Tog san ma dann mit de Mopeds quer durch Hue Umgebung düst. Kaiserliche Grabstätten, Denkmäler, Tempel etc. anschaun. Des wor ans von de Besten Erlebnisse, vor oim des Mopeddüsn wor a Gaudi. Kann I am jeden nur empfehlen !

Vietnam-Da Lat

Nachdem ma zimlich lang mim Bus gfohrn san, wobei I mi fost angschissn hob - da Busfohrer erstens amoi gfohrn wia a Sau, ohne Scheiss, und zweitens hot a nemli "ganz locker" ca 15 min bergauf an andern Bus überhoit. Links und rechts nu 20cm Plotz und schlussendlich überhoit in da Kurvn, oiso ka Sicht - I leb nu, san ma dann in Da Lat auf d'Nocht ankema.
Am nechsten Tog ham ma dann a Trecking Tour gmocht, jo da Tobi und Sport, oba des stimmt wirklich. Des wor vielleicht geil, abseiln von 20m, im Fluss schwimma, durchan Woid kraxln und dann lecker pickniken auf ana Insel im Fluss. Feinstens !
Am Abend san ma fuat. Do waas I oba nimma so fü. I waas nua, dass ma bei Einheimische gsessn san und de mir an söba branntn Reisschnaps gebn ham. Soit oba zimlich lustig gwen sein, sogn de andern !
Am nechsten Tog wor ma foigas schlecht, Gott sei Dank ham ma do netta a 6 stündige Busfohrt und a 14 stündige Zugfohrt vor uns ghobt. Fu, I sogs eich des wor ka leichte Aufageb mit meim Mogn.

Vietnam-Tunnel von Cu Chi

Am dritten Tog ham ma den hoibaden Tog in Cu Chi vabrocht. Des wor echt interessant. Wir ham an Guide ghobt der Vietnam-Krieg Veteran wor. Bist du deppat, der hot Gschichtln vazöt. Oba der Typ wor echt cool, hot imma an Schmä grissn und oiwei an Smile ghobt, echt beeindruckend. In Cu Chi ham ma dann de Tunnel besichtigt. Zerst mit Einführung wia se de Guerrilla Kämpfa vaschanzt ham, kocht ham, glebt ham, Fallen baut ham,...... Dann ham ma schiassn kina mit olle möglichen Waffen - hob I oba net gmocht; I wor e beim Heer - und dann san ma durch de Tunnel söba graxlt. Ganz sche anstrengend, für de andern. I mit meiner Greß hob do locker nu steh kina in de 80cm - 1m hochn und ca 60cm breitn Tunnel.
Am Nachmittag san ma dann weiter noch Da Lat.

Vietnam-Mekong Delta

Am zweiten Tog san ma zum Mekong Delta gfohrn mim Bus. Bist du narrisch de fohrn wia de gsengtn Sei und Hupen in ana Tour entweder zur Begrüßung von am andern Bus oder vorm Überhoin oder zum Worna vor da Polizei oder einfoch aso. Wir ham uns durtn de Schwimmende Märkte angschaut, worn oba net so berauschend, wei da Morkt in da Frua is (6am) und wir uma 11:oo ankema san. Dann ham ma hoit so a Tour gmocht, wo uns zoagt worn is wias so a Ort Stoiwerk Zuckerl herstön und Zuckerreis und wos da Teifi wos. Dann san ma mim Boot übern Fluss und eini in a Seitenarm, des wor echt cool, weis do siagst wia de Leit wirklich leben. Do ham ma dann wos gessn in am Restaurant, nice. Und zum Schluss san ma donn nu auf an klan Morkt ganga. Auf dem Morkt is dann de Französin, de asiatische Wurzln hot, von ana oiden Vietnamesin angredt worn. De hot gredt und gredt und gredt und hot de Französin nimma weg lossn, dawei vasteht de genau sofü Vietnamesisch wia I. Wor echt witzig.

Vietnam-Saigon

Saigon is a geile Stodt. A jeder fohrt mim Moped und a jeder scheisst auf de Verkehrsregeln. Wannst de Straßn überqueren wüst, muasst guate Nerven hom. De Stadt ansich is anders. Zimlich dreckig, überoi san klane Gschäftl, auf da Straßn kannst ganz normal wos essn, während 1000 Mopeds in 5 min. bei dir vorbeifohrn und ois tourist wirst olle 2 min. gfrogt - Hey dude, Motocycle, where r u going. Geht da mit Zeit a weng am Sack.
Mir hots trotzdem guat gfoin, weis einfoch ganz wos anders is ois wos in Europa gibt bzw. wos I kenn. Und natirli wia fost überoi in Asien - FOIGAS BILLIG ! Juhu.
Insgesamt worn ma 2 Tog in Saigon. Am ersten Tog a weng Sight Seeing innerhoib da Stodt - Stadthalle, Notre Dame Kirchn, Xa-Loi Pagode etc. Wor echt locker, wei ma uns a so an Radlfohrer gemietet ham. Auf d'Nocht san ma dann nu fein Essen und Trinken ganga.

Beasty Boys

Wer hot de Beasty Boys scho life gsegn ?? Fantastisch !
Do muasst um den hoibaden Globus fliagn, damitst de Beasty Boys segn derfst.
Und nu dazua in Singapur, wo es normalerweise keine Festivals gibt. Oba des good vibrations festival wor echt geil; http://www.goodvibrationsfestival.com.sg/
Vor allem de Brasilianische Band und de Indonesische Dj Gaudi ham ma recht taugt und natirli de Beasty Boys !!!
Von mir aus kann des jederzeit wieder kema. Es lebe Good Vibrations !

Neichs Johr

Gestern wor Sivesta für de Chinesn. Net schlecht sog. Zerst wor ma in Chinatown, wos Essn. Herrlich, I glaub mir ham über a Stund uns durch de Asiatische Küche durchkost.
Allerdings in Chinatown worn extrem fü Leit. Für 10m host a hoibe Stund braucht !
Und dann lauter klane Chinesn und zwischendurch is wieder amoi a Kopf aussagstond - des wor dann a Tourist mit 1,70m oder mehr. Für mi optimal, weil auf oamoi olle, fost hoit, in meiner Gress worn.
Nochan san ma zur Esplanade, Theater-Promenade-Konzerthaus in am, und ham uns durt des Festival a weng angschaut. Lotto ham ma a gspüt, hehe de andern ham lauter foische Nummern I hob nemli de richtige. Juhu!
Und dann um 12:00 Feierwerk - echt geilstens ! Zum Abschluss nu a weng Mitternachtsshopping, wieder in Chinatown. Ob 12:00 hot ois de Höfte kost !
I bin übrigens a Rotz ! Oiso im Chinesischen Sternzeichndings, damits do kane Missverständnisse gibt.

Bua Laaf

Am Mittwoch worn ma fuat !! Fu !
Der Club hoast Insomnia und klarerweise is am Mittwoch a Special angesagt. 9€ Eintritt und dafür gibts von 9pm-11pm für de Burschen und von 9pm-12pm für de Mädels (wo bleibt de Gleichberechtigung ?) GRATIS Getränke.
Hoacht si extrem guat an is oba tödlich. I hob an contest mit am Franzosn und am Kanadier gmocht, wer am mehrern Whiskey Cola trinken kann - Fehler.
Mir wor am nechsten Tog nu schlecht !

Nechsten Mittwoch geh I wieder hin - Juhu.

Generali Report

Griass eng,

jetzt gibts amoi an Bericht übers Daily Life in Singapur. Fois wer vorbeischaut, damit er/sie/es waas, wos erm/siem/esm erwortet.
De leitln in Singapur san foigas nett, sogar gegenüber Ausländer wie I ana bin. Des is a ganz a neiche Erfahrung verglichen mit Österreich. Oba ka Angst noch am Zeitl gwent ma si dran.

Des Essen, mei des Essen. Einfoch presto maga herrlich !!! Man bekommt de ganze AsiatischeKüche, Gerichte aus Vietnam, China, Kambodscha, Thailand, Indonesien, Indien u name it - in Singapur gibts es. Natürlich kannst auch Western Food ham, siehe Paulaner.
Daher olle de gern Essen - so wie I, des Wampal wochst scho - kemts vorbei. Nu besser is nemli, dass des do herunten ois nix kost. Wannst normal Essen gehst, oiso nix fency places, sondern do wo de normal Sterblichen hingengan, dann zoist net mehr ois 10€. Do is oba ois dabei - Hauptspeis + Hauptspeis + Hauptspeis. So guaaat !

Schas is nur, dass da Alkohol so teier is. Stört mi natirli net unbendint, da I e de ganze Zeit am Studiern bin und daher net zum Fuatgeh kim - Mutschi des schreib I weng dir.
Sollte man mal die Zeit haben fortzugehn (??), dann brennt ma wia a Luster. Oba sche longsom woas I wo de Happy Hours san - Yes. I woit natirli sogn, I woas des vom Hernsogn, de Andern ham ma des vazöt !!!!

Bezüglich Reisn, sehr billig !! Yes, again. Gott sei Dank ham si einige BilligAirlines etabliert in Singapur und deswegen kost a Flug noch Bangkok 20€, noch Vietnam 90€, etc - oiso nix.
Und des guate is Bali + The Beach + zahlreiche Strände und locations wia mas in de Hollywoodfüme siagt san prakitsch um de Ecken. Hob I scho - Yes - gsogt.

Studiern is dawei nu a Fisch, oba I glaub für de Prüfungen soit ma scho wos tuan, allerdings hob I nu 2 Monat Zeit. Und wie haasts, DEN SEINEN GABS GOTT IM SCHLAF !

Zur Stadt söba kann I eingli nua sogn, dass sie riesig is und es unmöglich is alles zu sehen. Es gibt immer wieder wos, wos ma nu net gsegn hot. Und I red net von de ganzen Touristn Sochn.

Speziell für de Mädels; Hobts es schau amoi an Tram ghobt, in dem ihr de ganze Zeit shoppen worts. 24 Stund und zwor net im söbn Gschäft ???? Jo ? Dann miasst von Singapur tramt hobn.
Singapur is ein einziges ShoppingCenter und des man I so wia is schreib !
Fois eich des net taugt, Bangkok und Kuala Lumpur san glei um de Ecken !!!!!!

Für de Burschens; In Österreich gibts Österreicherinnen, in Deitschland gibts Deitschländerinnen, in Italien gibts Italienerinnen, in Thailand gibts Thailänderinnen usw. In Singapur gibts OLLE ! Hehe ! Welcome to Melting Pot Singapur. Mehr sog I net.

I glaub des is soweit. Fois wer spezifische Frogn hot - e scho wissn.
Wünsch eich wos.

Fotos online

Des is da link zu meine Fotos.

http://www.flickr.com/photos/69328975@N00/

Paulaner Brauhaus

Gestern - Singapur Zeit oiso Sonntag - wor ma im Paulaner Brauhaus. Amoi wos gscheits essen, net immer Katzen ! Herrlich sog I nur, a Bratl, a Schnitzl, Weißwirscht, Tortn, u name it - ois hots gebn.
Leider wor I vom Vortog - Indian Party, lockere Musi - nu a bissl lediert. Oba noch a poar Bier hot si de Lediertheit (geiles Wort) wieder glegt.
Es segts, man kann auch echtes Deutsches Essen und Trinken in Singapur genießen. Juhu !